नेपाली कांग्रेसले विपक्षी दलहरूको संयुक्त बैठक आह्वान गरेको छ। कांग्रेस संसदीय दलको बैठक लगतै विपक्षी दलहरूको बैठक बस्ने बताइएको छ।

कांग्रेस सभापति शेरबहादुर देउवाले जनता समाजवादी पार्टी, नेपाल, राष्ट्रिय प्रजातन्त्र पार्टी, लोकतान्त्रिक समाजवादी पार्टी नेपाल, नेमकिपा, जनमोर्चा लगायत दलका नेताहरूलाई छलफलका लागि बोलाएका हुन्।

प्रतिनिधि सभा बैठकमा विपक्षी दलहरूको संयुक्त रणनीति बनाउने उद्देश्यले संयुक्त बैठक बोलाइएको कांग्रेसले जनाएको छ।

प्रतिनिधि सभाको बैठक अहिले ११ बजे बस्दै छ।

प्रकाशित: ४ जेष्ठ २०८१ १०:४३ शुक्रबार