सरकारले ल्यायो १८ खर्ब ६० अर्बभन्दा बढीको बजेट (पूर्णपाठसहित)
सरकारले आगामी आर्थिक वर्षका लागि १८ खर्ब ६० अर्बभन्दा बढीको बजेट ल्याएको छ।
सरकारले आगामी आर्थिक वर्षका लागि १८ खर्ब ६० अर्बभन्दा बढीको बजेट ल्याएको छ।
प्रधानमन्त्री छोरी कार्यक्रमका लागि १० करोड रुपैयाँ विनियोजन भएको छ।
सकारले आगामी आर्थिक वर्षमा १० वर्षे सशस्त्र द्वन्द्वका पीडितहरूका लागि शान्ति कोष खडा गर्ने भएको छ।
सरकारले शिक्षा तथा विज्ञान प्रविधि मन्त्रालयलाई २ खर्ब ३ अर्ब ६६ करोड रकम विनियोजन गरेको छ।
सरकारले डोटी जिल्लाको सदरमूकाम सिलगढीलाई सांस्कृतिक सहरका रुपमा विकास गर्ने भएको छ।
सरकारले आगामी आर्थिक वर्षमा भौतिक पूर्वाधार तथा यातायात क्षेत्रमा डेढ खर्ब रकम खर्च गर्ने भएको छ।
सरकारले बुटवल–नारायणगढ सडक खण्ड र कमला कञ्चनपुर सडक खण्डलाई चारलेनमा विस्तार गर्ने कार्य आगामी वर्षमा सम्पन्न गर्ने भएको छ।
सरकारले निजगढदेखि ढल्केवरसम्मको पूर्वपश्चिम राजमार्ग आसापासका क्षेत्रलाई नेपाली गलैँचा करिडोरका रुपमा विकास गर्ने योजना बनाएको छ।
सरकारले विद्यालयहरुमा सञ्चालनमा रहेको दिवा खाजा कार्यक्रमका लागि बजेट बढाएको छ ।
सरकारले निर्माणाधिन काठमाडौंको मुलपानी र विराटनगरको गिरिजाप्रसाद कोइराला क्रिकेट रंगशालालाई राष्ट्रिय गौरवका योजनाका रुपमा अगाडि बढाउने भएको छ।
आगामी आर्थिक वर्षमा सुर्खेतमा हुने १० औं राष्ट्रिय खेलकुदका लागि सरकारले ६० करोड रकम विनियोजन गरेको छ।
सरकारले भरतपुर, पोखरा र बुटवललाई जोडेर गण्डकी आर्थिक त्रिभूज परियोजना सञ्चालन गर्ने घोषणा गरेको छ।
सरकारले आगामी वर्षदेखि हाम्रा बाआमा हाम्रो जिम्मेवारी अभियान सञ्चालन गर्ने भएको छ।
सरकारले आगामी आर्थिक वर्षमा काठमाडौं उपत्यकाको चक्रपथबाहिरको स्थानमा खानेपानी वितरणलाई प्रभावकारी बनाउने लक्ष्य लिएको छ।
सरकारले आगामी आर्थिक वर्ष ५ लाख भूमिहीन परिवारलाई लालपूर्जा दिने घोषणा गरेको छ।