पोखरा महानगरपालिका–७ मासबारस्थित मदरल्याण्ड माविका १० जना विद्यार्थीले माध्यमिक शिक्षा परीक्षा (एसइई)–२०८० को नतिजामा ४ जिपिए ल्याएका छन्। बिहीबार प्रकाशित नतिजामा नेपालभरबाट १८६ जनाले मात्र ४ जिपिए ल्याएका थिए। ती मध्ये १० जना मदरल्याण्डका विद्यार्थी रहेको विद्यालयले बताएको छ।
अमेरिकाको वासिङटन डिसी र क्यान्सस सहरमा आयोजना हुने युवा नेतृत्व कार्यक्रमका लागि यहाँस्थित मदरल्याण्ड माविका चारजना छात्रा छनोटमा परेका छन्। उनीहरुले त्यहाँ विज्ञान, गणित, इन्जिनियरिङ र टेक्नोलोजीका बारेमा नेतृत्व सम्बन्धि तालिम लिनेछन्।
यहाँको मदरल्याण्ड माविले अन्तर्राष्ट्रिस्तरका विभिन्न कलेज र विश्वविद्यालयमा छात्रवृत्तिमा अध्ययन गर्ने अवसर पाएका विद्यार्थीलाई सम्मान गरेको छ। कक्षा १२ सकेर अन्तर्राष्ट्रियस्तरका शैक्षिक निकायमा छात्रवृत्ति पाएका विद्यार्थीलाई सम्मान गरेको हो।
