आईसिसी टी–२० विश्वकप क्रिकेट अन्तर्गत सुपर ८ को खेलमा वेस्ट इन्डिजले दक्षिण अफ्रिकासमक्ष १३६ रनको लक्ष्य प्रस्तुत गरेको छ।
सर विवियन रिचर्ड्स स्टेडियममा जारी खेलमा टस हारेर पहिला ब्याटिङ्ग गर्न मैदान उत्रेको वेस्ट इन्जिडले निर्धारित ओभर खेल्दै ८ विकेटको क्षतिमा १३५ रन बनाएको छ।
वेस्ट इन्डिजका लागि रोस्टन चेजले सर्वाधिक ५२ रनको पारी खेल्दा काइली मायर्सले ३५ रन जोडे। आन्द्रे रसेलले १५ र अलजारी होसेनले ११ रनको पारी खेले। अन्य कुनैपनि खेलाडी दक्षिण अफ्रिकाका बलरसमक्ष धेरै बेर टिक्न सकेनन्।
प्रकाशित: १० असार २०८१ ०७:५८ सोमबार