प्रतिपक्षी दलहरूको बैठक बस्दै, नयाँ सरकार गठनबारे छलफल हुने

नेपाली कांग्रेसले वर्तमान सरकारमा प्रतिपक्षमा रहेका दलहरूको बैठक बोलाएको छ। कांग्रेस सभापति शेरबहादुर देउवाले प्रतिपक्षी दलहरूको बैठक आह्वान गरेका हुन्।

कांग्रेस सहमहामन्त्री भीष्म आङ्देम्बेले बैठक मङ्गलवार साँझ देउवा निवास बूढानीलकण्ठमा बस्ने बताए।

कांगेसले बोलाएको बैठकमा राष्ट्रिय प्रजातन्त्र पार्टी, जनता समाजवादी पार्टी नेपाल, लोकतान्त्रिक समाजवादी पार्टी, राष्ट्रिय जनमोर्चालगायत दल सहभागी हुने बताइएको छ।

कांग्रेस र नेकपा एमालेबीच नयाँ सत्ता समीकरण बनाउने सहमति भएपछि बैठकमा नयाँ सरकारमा सहभागी हुन सबै दललाई आह्वान गरिने बुझिएको छ।

प्रकाशित: १८ असार २०८१ १३:२० मंगलबार

पोखरा महानगरको राजश्वबारे लेखा समितिले अध्ययन थाल्यो

पोखरा महानगरपालिकाको सार्वजनिक लेखा समितिले पोखरा महानगरपालिकाले गुमाएको राजश्वबारे अध्ययन गर्न उप–समिति बनाएको छ।

राष्ट्रिय खेलकुद नीति पुनरावलोकनको काम भइरहेको छः मन्त्री श्रेष्ठ

युवा तथा खेलकुदमन्त्री विराजभक्त श्रेष्ठले राष्ट्रिय खेलकुद नीति पुनरावलोकनको काम भइरहेको बताएका छन्।

जसपा नेपालको केन्द्रीय समिति २०१ सदस्यीय बनाइँदै

पार्टीको जेठमा आयोजित महाधिवेशनले केन्द्रीय समिति सर्वसम्मत चयन गर्न पार्टी अध्यक्ष उपेन्द्र यादवलाई जिम्मा लगाएको थियो। सोहीअनुसार केही दिनमा दुई सय एक सदस्यीय केन्द्रीय समिति टुंगो लगाइने भएको छ।

गृहमन्त्री लामिछानेविरुद्धको मुद्दामा बहस सकियो, फैसला आजै आउने

न्यायाधीशद्वय सपना प्रधान मल्ल र शारंगा सुवेदीको इजलासमा हेर्दाहेर्दैमा रहेको मुद्दाको बहस बिहीवार सकिएको हो।