.gif)
.gif)
प्रतिनिधि सभामा नेपाली कांग्रेसका सांसदको नाराबाजीका बीच सभामुख देवराज घिमिरेले सरकारको वार्षिक नीति तथा कार्यक्रममाथिको छलफल अघि बढाएका छन् ।
सहकारी ठगी प्रकरणमा संसदीय छानबिन समिति गठनको माग गर्दै आएको कांग्रेसका सांसदहरुले वेल घेराउ गर्दै नाराबाजी गरिरहेका छन् । संघीय संसद सचिवालयले नीति तथा कार्यक्रम पारितसहित विभिन्न १४ वटा बुँदालाई समेट्दै कार्यसूची तयार पारेको थियो ।
आइतबारको बैठकमा प्रधानमन्त्री पुष्पकमल दाहालले राष्ट्रपति रामचन्द्र पौडेलले गत जेठ १ गते प्रस्तुत गरेको सरकारको नीति तथा कार्यक्रम टेबल गरेपछि सभामुख घिमिरेले छलफल अघि बढाएका हुन् ।
छलफलमा भाग लिँदै एमालेका विष्णु पौडेलले नीति तथा कार्यक्रम प्रशंसनीय रहेकाले ताली बजाएर समर्थन गर्नुपर्नेमा कांग्रेसका सांसदहरुले विरोध गरेको भन्दै आपत्ति जनाए । उनले नीति तथा कार्यक्रमले ठप्प प्रायः बनेको विकासलाई ट्रयाकमा ल्याउने संकल्प गरेको दाबी गरे ।
प्रकाशित: १३ जेष्ठ २०८१ १२:३८ आइतबार
