कल्पना अधिकारी
आऊ साथी मिलीजुली रमाउँदै खेलौपढौं
ठूलाको आज्ञा मानेर सानालाई माया बाढौं
कलिला हाम्रो हातले भविष्य बोक्न सक्छन्
सानो हाम्रो पैतालाले लक्ष्य टेक्न सक्छन्
थरिथरिका फूलले एकताको माला गास्छौं
आज हामी साना नै छौं एकदिन जून छुन्छौं
अन्धकार हटाउने ज्योति बाली चेतना भर्नु छ
मेचीकालीको गीत एकै भाखामा गाउनु छ
बुद्धको देश हो हामीले शान्तिको कामना गर्नु छ
सगरमाथाको चुचुरामा नेपालको सान अडेको छ।।
प्रकाशित: २२ श्रावण २०७७ ०६:४४ बिहीबार